《無間道》票房大收五千多萬，曾志偉把握時機開拍搞笑版《無間道》，定名為《大丈夫》，將警匪卧底片改為搞笑卧底片，演員除了有志偉外，還有黃秋生、鄭中基和杜汶澤，而《無》的導演麥兆輝都表示有興趣看這套片。
曾志偉以海洋環保之星身份，周五出席在馬來西亞谷中城展覽中心舉行的「2003年釣．魚．養．殖國際展覽會開幕」，他透露乘着《無間道》收五千多萬的氣勢，正着手籌備搞笑版的《無間道》，新片名為《大丈夫》，並將警匪卧底片改為搞笑卧底片。
曾志偉強調這套戲雖然是喜劇，但劇情十分緊湊，他說：「自從去年嘅《無間道》後，我就好想拍喜劇，而且喺呢套之後都冇其他大製作，既然有個搞笑題材，不如就玩一玩。呢幾年香港都冇突出嘅喜劇作品，亦都冇一個主流，呢部《大丈夫》會帶啲《五福星》嘅影子，雖然係喜劇，不過我哋會非常認真去拍。」
至於人選方面，男主角除了有曾志偉之外，已定了有黃秋生、鄭中基和杜汶澤。至於女主角，曾志偉表示雖然已有幾個心水人選，但因為未有最後決定，所以暫時不會公布。
另外，據悉將於四月尾開拍的《無間道前傳》，劇情不會全部集中在陳冠希及余文樂身上，因為怕這兩位新人不可擔重任，所以劇情會集中講曾志偉、黃秋生和吳鎮宇，到時三位影帝級人馬，又可以大鬥演技。
昨日記者致電《無間道前傳》導演麥兆輝，他承認有擔心陳冠希和余文樂演技幼嫩，麥兆輝說：「我都有諗過呢個問題，始終佢哋係新人，喺演技各方面同影帝級比都會比落去，所以希望幾位有經驗嘅影帝帶住佢哋入戲，大家嘅戲份其實都幾平均。至於劇情係點就唔透露住，到時大家睇咪知咯！」至於曾志偉開拍《無》片搞笑版，麥兆輝說：「都幾好笑，證明《無間道》深入民心，我都會有興趣睇吓嘅。」