三月份傳統上係香港藍籌公司派成績表嘅時間。一般先由銀行揭開序幕，然後係地產股，之後到國企及紅籌股。雖然多家公司同日公布業績時有發生，但竟然有五家大藍籌公司選定同一日公布業績，就比較罕見。
今年三月二十日（星期四），首富李超人父子當日會第二次打對台，長實、和黃同埋電盈都會揀呢一日公布業績；另外，恒基地產全系同中銀香港，都話會喺二十號派成績表，嗰日財經版嘅記者，將會忙個不亦樂乎。八方估計，三月二十日，即農曆二月十八日，一定係好日，起碼好過三月五號。
（圖）李澤楷（左）：嗰日我都派成績表，梗係好啦！
李澤鉅（中）：um......
李嘉誠：20號係咪好日？設計對白
傳真︰2623-9278
電郵︰