Twins成員蔡卓妍（阿Sa）前晚穿上YohjiYamamoto與adidas合作推出的高級運動服系列出席Y-3時裝展，阿Sa不諱言與拍檔阿嬌甚少結伴買衫，因每次要人家封舖給她們睇衫，極不方便。
日本名設計師YohjiYamamoto與adidas合作推出全新高級運動服Y-3系列，前晚在銅鑼灣D-mop店舖舉行時裝展，吸引到Twins成員蔡卓妍（阿Sa）、杜德偉、周汶錡、周麗淇、李惠敏、黃家強、范姜和李燦森等前來捧場，其中阿Sa、杜德偉和周汶錡更穿上Y-3服裝出席，認真畀面。
原來Y-3一推出，阿Sa已一口氣買了兩條運動褲，記者問她是否很捨得買衫時，阿Sa說：「平時開工嘅話，一、兩個月冇時間買衫，但我一出街就俾人影到，真係好黑仔。」問阿Sa每季可要花上十多萬元購買衣服？阿Sa笑說：「你估去日本買咩！」記者又問阿Sa何以不與阿嬌結伴買衫？阿Sa解釋道：「有時搞到啲舖頭要封舖畀我哋睇衫，所以兩個人去，真係好唔方便。」
阿Sa又自言一向貪玩，未入行前不時到的士高耍樂，但現在為怕影響形象，惟有寓工作於娛樂。對有傳余文樂經理人Ba叔不滿余文樂跟阿嬌沉迷拍拖，阿Sa聞言即為阿嬌平反：「邊關事，根本冇嘢，係人哋講到咁之嘛，阿嬌好勞氣，我都有安慰吓佢。」
另方面，嘉賓之一的黃家強透露五月一日至三日將在紅館舉行Beyond二十周年演唱會，問他事前會否到家駒墳前鞠躬時，家強說：「我會叫埋佢上台唱歌。」
此外，李惠敏被問到其緋聞男友陳浩民跟佘詩曼拍拖一事時，竟顯得有點不是味兒：「開心囉，謝天謝地，佢哋襯到絕。」李惠敏指她與阿佘並不相熟，對阿佘是否喜歡嗲人亦不了解，但她就稱不大喜歡太嗲的女人。
採訪：梁錦雯 攝影：林德雄
