保良局前晚在灣仔君悅舉行周年餐舞會，陳細潔以RobertoCavalli低胸裝出席，她戴上卡地亞鑽戒及巨型鑽石頸鏈及耳環，閃亮非常。陳細潔揚言全身總值超過一千萬，她說：「條頸鏈係一個每年嚟香港嘅意大利珠寶商幫我設計嘅，我成日幫襯佢㗎。」
問陳細潔戴了如此貴重的首飾，何不請保鑣保護？她說：「都唔擔心，因為出入都係酒店同屋企，兩度都好安全。何況平時我啲首飾全部放保險箱，要用先拎出嚟放喺屋企夾萬。」
此外，保良局主席李劉慧珠表示做主席令她皺紋及魚尾紋大增，卸任後首要整容拉面皮及抽脂。其整容醫生丈夫李宏邦則大談米高積遜整容，他說：「佢唔係整容失敗，而係太誇張，整咗二十幾次，連個鼻都由黑人嘅圓鼻變尖鼻，好瘋狂。」
採訪、攝影：JessicaNgan