【本報訊】財政司司長梁錦松日前一句「有咁耐風流，有咁耐折墮」引起軒然風波後，他昨早出席電台節目時，為有關言論辯解，強調自己是「番書仔」，詞不達意，當時說話所指的，是當年泡沫經濟及被炒高的樓巿。有學者及立法會議員認為，梁錦松解釋牽強，而且事後「補鑊」，難消香港人心頭之氣。
梁錦松昨早出席商台節目《政經星期六》，為日前所說「有咁耐風流，有咁耐折墮」一語辯解，他說：「可能係番書仔，英文有一句：Whatgoesup,mustcomedown（有升必有降），如果直譯就係上咗去嘅嘢會跌番落嚟，但因為要做廣東話節目，可能用咗一個唔係幾好嘅繙譯：有咁耐風流有咁耐折墮，當時我係指樓價同泡沫經濟，呢一句好容易俾人諗錯咗，其實係用得唔啱。」
至於他日前於立法會上表示，若二○○六?○七年度後不用再做預算案便「謝天謝地」，他也解釋是詞不達意所累：「真係唔好意思，又係詞不達意，所以我諗可能需要去學吓點樣去修辭，點講嘢至得。我意思係到第三屆特區政府經濟調整已經轉好，財政穩健，到時希望可以交到好成績畀下一屆政府，巿民亦都會鬧我哋少啲，咁我梗係謝天謝地。」
雖然梁錦松一再為預算案加稅令巿民不快致歉，但還是有巿民致電該節目，批評財政預算案加重巿民負擔，其中黎小姐說：「政府財赤就加稅，令人感覺將來唔夠錢又再加，咁係咪政府理財不力造成？」
港大政治公共行政學系副教授盧兆興說：「佢雖然盡力澄清佢嘅言論，但巿民已先入為主，補鑊係於事無補，尤其係經濟唔好，巿民嘅代入感強，印象特別深刻。」
理工大學應用社會科學系助理教授鍾劍華說：「佢都係焗住要補鑊，佢點諗冇人知，而且『謝天謝地』嘅解釋好牽強。」立法會議員陳偉業說：「巿民當日聽到佢講乜，𠵱家扭曲嚟講，佢講咗唔認冇法啦！可見啲高官冇政治誠信。」
民主黨主席楊森表示，正計劃在本月二十三日發起中產控訴大遊行，協助中產人士表達不滿。自由黨主席田北俊昨日出席有線電視訪問時批評，加稅與政府刺激經濟措施背道而馳。