加稅就係人都唔鍾意，但原來最令財爺阿松失分嘅，係近日嗰句「有咁耐風流，有咁耐折墮」。巿民不斷鬧唔在講，噚日重俾八方見到尖沙嘴有間唱片音樂產品店喺門外貼出啟事：「於折墮的時刻不加反降，希望幫幫自己幫幫人，減一點怨氣加一點希望！」全店CD一律減五蚊，其他貨品九折，重呼籲同業加入降價行列，齊心度過「折墮」難關。
八方起初心諗只不過係生意人發「折墮財」，借故促銷，點知負責人同八方講：「我哋係覺得嗰句說話太難聽，有感而發，同減價促銷無關，經濟唔好，人人辛苦大家知，但呢個時候香港人最需要係鼓勵。」
傳真︰2623-9278
電郵︰