在數碼相機和寶麗萊氾濫的時代，照相館的生意有沒有受影響？其實就無乜，因為你有張良計，影樓有過牆梯，照相館除了擁有專業攝影技術以外，還有另一賣點──特別造型，尤其是小朋友方面，動物衫、軍警制服及民族服裝，Size一經縮小，再套在小朋友身上，高雅或正氣得嚟又帶點活潑童真。
記者：楊一凡
部份攝影：林栢鈞
Imagekids：戈兒&嘉敏
一兩歲的BB面珠墩脹卜卜，手臂白胖如蓮藕，小肚腩微微隆起，每個動作都天真可愛，若給他們套上軟綿綿的動物公仔衫，四圍走，童真表露無遺，諗起都搞笑。不過要張羅這一身動物小毛衣，應從哪裏入手呢？乾脆到影樓拍照啦，因為最近有優惠套餐嘛！
快圖美照相館（28979212）
地址：柴灣新翠商場110至111號舖
營業時間：10:00am-9:00pm
收費：$380包四款造型及化妝，服裝由影樓提供，從頭至尾會拍攝36張照片，並會沖曬成4R相片，底片由你保存，另送8×12吋大相一張，不妨考慮吓。
民族造型一向受家長歡迎，故此店主惟有增加服飾選擇，店裏的男女小朋友服裝款式已增至五、六十款，每套服裝保持乾淨，熨貼整齊，收費是原價的八五折之餘，送埋精選的雕花相簿連相片。另店裏自設沖曬機，拍照後只要等半小時，就有相睇。
純美影廊（23663355）
地址：尖沙嘴彌敦道86-88號安樂大廈2字樓I室
營業時間：10:00am-8:00pm
收費：$380包三款服裝連髮型及化妝，沖曬36張3R照片，你可從36張相中，精選20張，曬成5R相，放入店方送你的6×8吋雕花相冊中，連同3R相片及底片，一併給你。
警車迷Kenny在97回歸時，於政府拍賣會上，以數萬元投得一批不同年份的巡警車，花了十萬元去翻新。三年前Kenny跟一位熱愛軍警制服的朋友合資開照相館，在千六呎的影樓內，放有迷你消防車和四輛不同年份的巡警鐵騎等，以真車實景，配合各款跟足97前警隊款式和布料縫紉的制服：夏、秋和冬三季的警察制服、冬和夏巡警制服、藍帽子、幫辦和機場特警等。讓小朋友過足制服癮。
開心儷影（23569797）
地址：紅磡黃埔花園11期聚寶坊地庫B2
營業時間：12:00nn-9:00pm
收費：包自選一款制服，另幫小朋友影10至15張相，沖曬成4R，你只可從中揀選三張，這樣的收費是$98，若想要埋這三張相的相底，每張另付$20，第四張打後，每張相片連底片收$35。
戈兒媽媽：我覺得幫小朋友攝影和化妝師的，一定要比家長更有耐性。
嘉敏姨媽：會去影樓幫小朋友影相，因為效果靚，得閒睇番又開心。
Emmy：若果我有個女，都會幫佢影幾輯造型相，留住最可愛的樣子嘛！若生仔就唔會。