韓君婷和周麗淇昨日在旺角出席Neway《下一站…天后》卡拉OK第三次初賽。昨日有一名口花花的男參賽者跟出任評判的周麗淇搭訕。
該男參賽者以一身有型打扮出現，他對周麗淇說：「唱歌唱得好唔好聽，都要睇吓評判鍾唔鍾意，我造型掂唔掂？你鍾唔鍾意？」周麗淇事後接受訪問說：「我都覺得佢好奇怪，或者因為男仔大膽啲，佢自信心好強，造型都OK，都係尊重個場合啫。」
此外，韓君婷對於有傳Stareast的經理人和藝人部即將取消，她說：「我同公司重有兩年合約，但我都有聽聞過，不過未肯定，所以唔擔心有影響。我對唱歌都有興趣，之前拍戲問過阿Sa（蔡卓妍），佢教我用個嘴咬住個樽塞講嘢練習。」
採訪、攝影：陳梅香