陳小春、Cookies、二人男子組合Boy'Z、陳彥行等昨日齊集清水灣電視城，為節目《蘭香蝶舞笑春風》舉行拜神儀式，談到早前許志安讚小春是穿泳褲拍廣告的最佳人選時，小春即雀躍地舉手說：「如果有梗係拍，不過我拍上身，佢拍下身，因為睇得出佢下身靚啲，張相一拍埋就知啦，佢咁講即係笑我啫。」
小春表示身為男性並不介意性感，他說：「拍嘅時候又會打燈，可以執到啲唔想睇到嘅嘢，但如果要我着泳褲，最好合約訂明畀我去泰國曬多幾日太陽，預算許可嘅話，我唔介意同啲朋友再去過㗎！到時廣告出街，肯定升價十倍，不過最好就同安仔一齊拍啦，唔使你推我讓。」
採訪、攝影：卓寶花
