聞財政預算案頓感無前路
葉梁美蘭忍痛結束M16

新昌集團主席葉謀遵的媳婦葉梁美蘭（Mira）前晚在中環出席上海灘春夏時裝展時，宣布其經營一年多的時裝店「M16」因香港經濟環境日差而關門大吉，並計劃把其時裝生意進軍上海。

上海灘前晚在中環店內舉行二○○三年春夏女裝展，展示一批新潮中國服。

樓上舖人流差
今次以「英國玫瑰園在上海」為主題，一系列用色嬌豔、帶東方及異國風情的新裝，流露點點玩味；花樣方面，有以外國人眼中的中式花園、寶塔和苦力為主題的「油畫風景」及帶強烈對比條紋等。
新昌集團主席葉謀遵的媳婦葉梁美蘭盛裝出席睇騷，她透露丈夫愛穿唐裝，自覺似「中華英雄」。Mira更宣布苦心經營的「M16」時裝店終敵不過香港的疲弱經濟而結業，她說：「租約問題啦，呢個市況唔減租點得啦？樓上舖人流又唔夠，收入又唔好。喺一個咁唔開心嘅經濟環境下，噚日睇埋財政預算案，更加影響心情。」

見世面得經驗
問Mira是否要蝕大本？她說：「打個和啦，因為春夏季停咗入貨，𠵱家辭退晒所有員工，只留番一、兩個。其實一手一腳搞成又結業，我好唔開心，不過今次係好好經驗，好過做阿太坐喺屋企乜都唔知，真係甜酸苦辣乜都有。」Mira透露若在香港覓不到理想新舖，將轉戰上海發展，更鎖定名牌區「恒隆66」。
Mira對時裝充滿熱誠，早年在Moschino的bluebell任買手五年，前年與朋友在蘭桂坊開設「M16」時裝店，主要引入具潛質的歐美新品牌，如美國樂壇小天后BritneySpears都穿的CarlaDawnBehrle皮衣系列等，更致力提供funky又wearable的partydress，亦多次投資搞時裝店宣傳。無奈熱情不敵市況，苦心經營的「M16」終告結業。