「我搬嚟呢度住，冇買過任何家具電器，𠵱家你見到嘅五斗櫃、電腦枱、床同兩張櫈，統統係執番嚟嘅舊家具。但就一件舊電器都搵唔到，所以𠵱家我除咗有電飯煲煮飯、有部重算夠凍嘅雪櫃放食物之外，冇其他電器用。」王伯向到訪記者歎道。
七十四歲的王伯，獨子患癌英年早逝，遺下他晚年孤苦過活。王伯早前無奈被房屋署安排調遷，搬屋後因家中欠缺基本家庭電器，生活極感不便。「個仔死咗，新抱就搬開住，房署咪要求我搬嚟呢間面積最細嘅公屋單位囉！舊屋啲電器大部份都好老爺、壞壞哋，搬嚟只會嘥錢。」王伯黯然表示。
王伯數十年來先後從事建築工人及護衞員，刻苦耐勞，近年始因年紀老邁被迫退休；兒子病逝後，王伯遂靠綜援金餬口，生活清苦。「我已經返工返到七十歲，護衞公司老闆都唔肯繼續同我續約。呢兩年我血壓高，好容易頭暈，怕搵到工都做唔嚟，惟有退休。」
獨居無依的王伯，盼獲贈煮食爐、電視機等基本家庭電器，「冇煤氣爐煮食好唔方便，冇電視機睇節目連唯一娛樂都冇。只要有部舊電器用，我已經好開心。」
你願意捐贈電器給王伯，助他改善生活嗎？
捐款編號：C0862
暖流熱線
電話:29908688
傳真:23702192
電郵:
網址：