今屆F1賽事除排位賽會以一圈定英雄外，並由今年開始，所有車輛響排位賽完成後，便會即時駛入FIA賽事管轄區，車隊人員唔可以再碰再搞，直至正式賽事舉行前為止。所以，參加排位賽車輛嘅表現，與正式比賽有直接關係，而目的係杜絕大車隊使用超快速嘅排位專用車，或者排位賽專用引擎等等。除排位之外，今季亦會開始改變計分制，家陣前八名都會獲得分數，而派分法將順次序為10、8、6、5、4、3、2及1；同時，今季又因應去年法拉利經常玩正、副車手制，於賽事尾段影響「正常」賽果，FIA講明今年唔可以有車隊命令（TeamOrder）。話唔可以啫，一陣巴里節勞話架車臨尾有事畀舒密加爬咗頭，FIA唔通拖架車去驗吓，係咪真係舒密加嗰部快啲呢？