張堅庭前晚出席「創世電視台」感恩奉獻典禮，除了宣傳這個宗教電視台外，張堅庭亦乘機炮轟特首董建華，要他盡快下台，以及力斥財爺梁錦松是政治小丑，他公布的財政預算案對市民造成很大影響。
特首董建華和財爺梁錦松的民望愈來愈差，尤其是當梁錦松日前公布了新一年的財政預算案，更引起巿民怨聲載道，張堅庭前晚在灣仔出席「創世電視台」感恩奉獻典禮，也大肆批評特首和財政預算案。
張堅庭對新公布的財政預算案十分不滿，他說：「政府只係將問題推落巿民身上，好似上演一套《雙城記》一樣，為愛人犧牲自己生命，但男主角唔係阿松（指梁錦松），而係巿民，呢個財政預算案真係對所有人都有影響，香港過多一、兩年都唔可以住落去，因為都睇唔到有乜嘢希望。」
問到張堅庭可覺有甚麼救治方法，他說：「唯一方法叫特首因病請辭，巿道先會好轉，任何人都比現任特首更適合。我尤其欣賞馮國經（機場管理局主席），佢有國際視野，實踐同理論具備。」
對於財爺梁錦松揶揄港人「有咁耐風流，有咁耐折墮」，張堅庭昨日在電話訪問說：「我理解佢呢句話係當年英國政府管治咪風流，但一轉到董特首同阿松就折墮，阿松咁講就好唔負責任，完全冇政治智慧。」張堅庭批評梁錦松做不成政治家，卻變成政治小丑。
而蘇永康昨日到商台接受訪問，被問到對日前公布的財政預算案有何看法時，他表現得相當不滿，更大肆批評預算案，他說：「梁生（梁錦松）係咪湊女湊到癲咗呀？開源節流係啱，但係開源得咁快，節流得又咁慢，佢重死心不息咁徵收銷售稅，咁即係變相迫香港人返深圳消費。搞到社會分化嘅現象愈嚟愈大。」
採訪、攝影：卓寶花
