飾物長久以來都是女性的恩物，就算幾唔歡喜扮靚的女士都會有一至兩件飾物在家看門口，貪靚的更加不在話下，作為公眾人物的就更加要多幾件，做模特兒的周汶錡就更加不例外，喜歡將不同飾物互相配搭的她，家中的飾物也有四盒，以備不時之需，今天她就帶同自己心愛的「私家飾物」出來，原來她的最愛竟是星及銀！
訪問當日，一身輕便打扮的周汶錡，沒有佩戴太多飾物，只有手纏數條水晶鏈，卻令人感到好舒服，她說：「我最鍾意銀，揀飾物都以銀行先，尤其係舊的銀、Vintage就最好，啲銀舊咗先有味道，反而金嘅嘢我就好怕！」「Shine係我最鍾意嘅舖頭，因為呢度嘅飾物真係好多，其實飾物同鞋一樣，買定一定會有用，所以絕不能少。我鍾隨意咁襯，例如着牛仔褲、背心，可以襯啲誇張啲嘅飾物，好似幾條鏈一齊戴、咁都會好靚！」
Kathy推薦錢幣類：
日本方面已興起一片錢幣飾物熱潮，相信這股風不久便會吹來香港。
Kathy說自己最愛亂襯，所以家裏有四盒飾物，我們叫Kathy帶一些自己最喜愛的飾物給我們拍照，果然以「銀」及「星」形的飾物的出場率最高。
1.這隻在日本買的星形戒指，差不多每位朋友見到都會讚靚，所以Kathy亦經常戴此戒指示人。
2.去年從泰國買回來的戒指，以錢幣製造。
3.銀蝴蝶鏈，加上雙鏈的設計，非常特別。
4.這一組銀鏈，一大「抽」吊着不同的東西，如英文字母、香水樽、鐘及開瓶器等，在Shine買的。
5.黑色毛毛手鏈，是Kathy的一位朋友親手做的。
6.用美元硬幣切割出星形吊墜，從日本買回來。
7.玫瑰圖案銅鏈，銅色襯黑色好靚！
一位經常身上戴有不同飾物的朋友告訴我，買飾物一定要去永吉街走走，原來位於中環與上環之間的永吉街，是香港的主要飾物批發地，亦是不少飾物店的入貨之地，短短不足100米的街道大概集結了20間首飾批發，橫跨德輔道中至皇后大道中。提提大家，大部份店舖周日是休息日。
店舖資料
Artistic（29722773）
地址：銅鑼灣東角駅146號舖
營業時間：1:30pm-11:00pm
Shine（28908261）
地址：銅鑼灣嘉寧街5-7號嘉寧大廈地下d2舖
營業時間:1:00pm-10:00pm
WildLips（25762868）
地址：銅鑼灣地帶184號舖
營業時間：1:00pm-11:00pm
紫荊花禮品店（28810185）
地址：銅鑼灣記利佐治街一號金百利商場二樓260室
營業時間：2:00pm-10:30pm
富儷飾物發展公司（25813132）
地址：中環永吉街34號永吉街地下D舖
星期一至六：9:30am-7:00pm