財爺梁錦松公布預算案之後，成為眾矢之的，俾市民日鬧夜鬧，唔知坐緊月嘅松嫂伏明霞有冇安慰番佢？講開松嫂，北京電視台前晚播出一個小伏嘅訪問，佢自爆當年入清華，原來係靠關係，唔係正式考入去。
伏明霞喺訪問中話：「阿特蘭大（九六年）奧運會後，我就在一次聚會上和伍主任（八方按，應指曾任國家體委主任之伍紹祖）說我想學習。伍主任說沒問題，我回去幫你弄。後來，我回到北京，清華大學就給我發了一個入學通知書。」後來小伏因為參加代表團嘅活動，要到第二年三月先至去清華報到開學。
其實以小伏咁出色嘅運動員，邊間大學都會收佢啦，但舊年佢成為松嫂後，本來計劃嚟中大讀書，後來畀人質疑係靠關係入學，結果告吹，所以話，呢啲就係「一國兩制」喇！
呢個專訪，唔知幾時錄影，但睇小伏有啲發福，似乎應該喺佢大肚時拍攝。小伏喺訪問中談過去幾年嘅跳水生涯，話當年復出再奪金牌好開心，但見到郭晶晶只可以得第二，個心都唔舒服，但佢就冇提及結婚、生仔嘅事噃。
傳真︰2623-9278
電郵︰