一向迷倒唔少本地樂迷同潮流人士嘅「涉谷系音樂公主」KahimiKarie，剛剛加盟咗男子組合SMAP所屬嘅JVCMusic唱片公司，我大口羅拉身為佢fans，趁Kahimi嘅新碟《Trapeziste》前日正式登陸本港，即時先聽為快，呢張碟玩盡電子、古典樂、Opera、FreeJazz同法國音樂等元素，精采程度拍得住椎名林檎嘅新碟㗎。
事實上Kahimi呢排喺日本樂壇嘅矚目程度，亦同椎名林檎叮噹馬頭，佢重喺唔少日本雜誌亮相㖭！不過已經喺巴黎定居嘅Kahimi一向有格，只會幫《Rockin'OnJapan》同《Marquee》呢一類高檔雜誌拍寫真。
繼前年喺潮流雜誌《H》入面同中谷美紀扮同志之後，Kahimi喺新一期時裝雜誌《spring》又使出搞鬼本色，居然扮成女賊半夜入時裝店偷衫！曾係IsseyMiyake御用女模嘅Kahimi，闖入間舖不停試衫，重搞到露出個bra同花褲仔，之後好鬼祟咁「撻」埋啲衫走人，真係搞笑得嚟又充滿視覺享受。