溫碧霞（Irene）和王秀琳（Mango）等前晚在尖沙嘴出席兩套新片《走失96小時》和《隻眼開隻眼閉》的慶功宴。
Irene表示在《走》片中有一幕出浴鏡頭，而劇情講述陳錦鴻在旁偷看她。九人女子組合Cookies的Gloria和Angela近日在宿舍懷疑被人偷拍沖涼，Irene說：「我都唔明點解佢哋沖涼唔閂窗，咁樣做好危險。我都試過俾人電話騷擾，試過改電話都繼續打嚟，重發出呼吸聲，但我將電話畀老公聽，嗰個人就即刻收線，我相信係熟人所為。」
此外，Mango日前急性腸胃炎，但翌日又要到南丫島拍《隻》片，Mango說：「我之前即刻去睇咗醫生，好彩拍嘅時間都好番好多。」Mango日內會由將軍澳搬到清水灣跟媽咪同住，她說：「之前為搬近男友先搬出嚟住，但𠵱家都分咗手，我同媽咪擔保下次拍拖都唔會搬出去住。」
採訪、攝影：魯萍