林敏俐、左慧琪和鐘子淇等昨日擔任花卉展覽的模特兒，其中鐘子淇穿上低胸宮廷服，十分搶鏡。不過論受歡迎程度，則不及港姐冠、亞軍林敏俐和左慧琪，吸引最多攝影發燒友拍照。
港姐林敏俐、左慧琪、胡家惠、嘉碧儀、鐘子淇和李珮瑜等，昨日出席在維多利亞公園的花卉展覽，擔任攝影比賽的模特兒。
鐘子淇昨日一身低胸露背的宮廷服裝最搶鏡，但因氣溫驟降，冷得她騰騰震，鐘子淇說：「件衫係公司安排嘅，但我唔介意咁性感。」
嘉碧儀則穿上古裝示人，由於攝影發燒友眾多，幾位港姐被團團包圍，故她們都顯得小心翼翼，怕被人博懵和不慎走光。
現場所見，以港姐冠、亞軍林敏俐和左慧琪最受歡迎，吸引最多攝影發燒友拍照。問左慧琪怕不怕人多被乘機博懵？她說：「我係一個好熱情嘅人，但忍受唔到人哋唔尊重我，呢啲情況Rosa（港姐保母）會保護我哋。不過由細到大，爸爸都會教我點樣保護自己，而且我曾經學柔道，所以唔擔心。」
而林敏俐則說：「同佢哋會有一段距離，相信唔會有咁嘅情況，反而有時去食飯應酬，就會有男士搭膊頭或者攬腰影相，但我會即時撥開佢哋，但真正被博懵就未試過。」
採訪、攝影：卓寶花
