鄭中基（Ronald）日前應本報「偶像齊齊玩」邀請教fans打網球。當日有兩位是失聰人士，剛巧Ronald日前在新歌MV扮演失聰人士而學過手語，故他趁機用手語向她們說「我愛你」，冧盡fans。
被稱為新一代笑匠的鄭中基，日前應邀到將軍澳與fans打網球。當日Ronald暫將搞笑本領收起，一臉正經地當一個網球教練，他首先講解握網球拍的正確姿勢，跟着便開始作簡單的熱身運動。Ronald說：「都幾好玩，今次係我第一次教人打網球，因為每個人嘅素質都唔同，所以如果可以逐一教就會更加好。」
當日有兩位fans是失聰人士，她們雖然在打球時顯得有點緊張，但她們仍做出「好開心見到你」的手語，令Ronald開心不已，而Ronald亦將自己所學到的簡單手語回敬二人，分別做出「好耐冇見」及「我愛你」，鬼馬非常。兩位fans對Ronald的印象非常深刻，其中Angel事後透過傳真說：「真係好開心，可以同偶像一齊打網球，佢好有耐心教我哋，又一同擺甫士，好難忘。」
而有份出席是次活動的Vincent說：「見到佢真人覺得佢好好人，其實喺活動後我哋大家都有喺度講，好難相信佢兩、三年前會做出醉酒鬧事呢樣嘢，都唔怪得佢嘅，都係酒精害人！」另一位女fansEdith更大讚Ronald為人風趣幽默，她說：「我覺得好開心，佢個人好nice，今次係我第一次見佢，佢真人真係幾好笑。」
此外，Ronald昨日到港台接受訪問，他表示將於今天開始逢星期五為港台《娛樂滿天星》節目做客席主持，Ronald說：「我會請盧巧音做嘉賓先，以前同佢合作完都冇見過，佢身體好似唔係幾好，搵佢傾下偈囉。」
採訪：蔡如玉、羅慧敏、胡比
攝影：陳慧安
