香港商務及專業婦女協會噚日搞咗個迎接婦女節嘅午餐會，請咗三位出人頭地嘅女行政總裁講成功之道，佢哋不約而同，話要成功就要樂觀地面對困難，積極裝備自己。
呢三位CEO全部都係由外國來港發展，可以話係名副其實嘅「過江凰」﹙凰即傳說中的雌性鳥王﹚。其中三十年前已來港發展嘅日本女強人若井節子，𠵱家係一間公關廣告公司嘅董事總經理，早排重獲得特區政府頒發榮譽勳章，佢話任何問題只要樂觀面對，冇乜嘢唔可能。
一九六○年由馬來西亞來港創業嘅莎拉比提，由最初以「一人公司」提供短期秘書服務，迅速發展成專為企業提供商業專才培訓嘅大集團，佢叫香港人保持勤奮精神，不斷進修。最後一位係國際出版人JulieMatthews，佢話：「金錢不能解決問題，只有創意才可替你解決問題。」
傳真︰2623-9278
電郵︰