噚日天氣稍冷，好多出席婦女節晚會嘅闊太都馬上出動皮草，預算案對低下層有幾大影響，睇嚟佢哋都好難體會。身為工商及科技局局長唐英年嘅媽咪，唐尤淑圻都好留意預算案，噚晚佢喺婦女節晚會上，隨口就同八方講出機場稅加咗四十蚊，邊境建設費每次十八蚊，唐家喺大陸大把生意，唐太話老公唐翔千每個星期都過關返大陸，交通費肯定多咗，老公重叫佢以後慳啲使，真係識講笑。
不過唐太畢竟係女人，對化妝品稅更關心，佢話一早就估到唔會加，所以冇好似其他女士咁入定貨。八方好奇，唔知唐公子有冇向媽咪通定水先？
傳真︰2623-9278
電郵︰