財爺公布預算案後，廣大市民都幾難笑得出。大眾除咗感到無奈，重可以做啲乜？地產代理就重激氣，美聯物業主席黃建業，猛烈抨擊政府靠加稅減財赤，令市民百上加斤，加物業稅之餘，又減低居所貸款利息扣稅額，幾百萬個揸住層樓嘅市民，又點笑得出。剛剛有起色嘅樓市，俾呢盆冷水淋落去，短期內都難有轉機。
黃建業出口鬧，下屬又點可以唔附和呢？噚日美聯全線各分行，都張貼海報勉勵業主同員工自強不息，積極尋找機會，共度時艱。
不過，員工辛苦係有成果嘅。佢哋上個月營業額排行榜中，頭三位由豪宅區包辦，榜首嘅係又一村雀橋街分行，錄得二百六十五萬元佣金，其次為淺水灣分行，約有一百七十七萬元，紅山半島排第三位，一百六十三萬元。
近排畢架山一號個樓盤廣告，最令人印象深刻嘅係最後一句「風範不是說出來的」。
製作有關廣告嘅李奧貝納廣告有限公司，原來大有來頭，早於1935年喺美國芝加哥成立，係全球四大傳訊機構之一嘅法國PublicisGroupe旗下公司，喺全球83個國家擁有超過200個服務點，單係亞太區，已經有16個國家設有辦事處，重攞過「全球最具創意的廣告集團」，同埋「2001年亞洲廣告大獎」。
香港地產商北上搞地產，除咗起樓，其他周邊配套亦會做到足。
近排喺上海大事發展嘅瑞安地產，早輪喺當地搞咗個瑞安會，同時又推出一個瑞安地產網（
近排經紀忙得嚟有回報，逢有喜事都會大事慶祝一番，始終搵多多錢都係為咗開心啫。
早兩日，利嘉閣執行董事廖偉強牛一，成班區頭同後勤主管幫佢搞生日，二十幾人去咗灣仔擦番餐，重夾份送咗份禮物，其一係純銀相架，刻有Willy同佢太太、仔仔個名，而相內照片，聽講連Willy自己都未見過。相信係希望佢有意外驚喜。另一份就係寫住「羊羊得意」嘅羊年金牌。
蘭西
電郵地址：
