當年一手發掘王菲的資深唱片監製梁榮駿，十三年來與王菲一直合作無間，但最近他另起爐灶，自資開經理人公司，力捧唱腔與王菲甚相似兼懂五國語言的二十三歲新人黃馨。
王菲御用監製梁榮駿，自十三年前王菲出道以來，二人一直合作無間，為王菲製作的唱片亦有十多張，而他亦曾為許冠傑、張國榮、劉德華及李克勤等歌手任唱片監製。
今年梁榮駿自資開設「御用經理人有限公司」，投資逾百萬力捧新西蘭學士新人黃馨（Judi）。
梁榮駿日前在銅鑼灣接受訪問時表示，雖與王菲分道揚鑣，暫停合作，但王菲對他設立經理人公司大表支持，他說：「我同王菲一直合作愉快，佢知我搞經理人公司都係為咗尋找自己嘅理想，所以佢都好支持。」
梁榮駿續說：「其實一路以嚟都有人介紹一啲新人畀我，我揀Judi係因為覺得佢唱得好，識五國語言，又喺外國讀書，好有做藝人嘅潛質。」
Judi的唱腔與王菲相似，相信出道後必會惹來外界比較，梁榮駿說：「我冇話要特登將佢做成王菲，況且佢兩個好唔同，王菲嘅性格有啲怕醜，藝術家啲，識落至會同佢熟；Judi比較開朗，鬼妹性格。」
現年二十三歲的Judi下月將推出新唱片，她是今年首位搶閘而出的女新人，對於有指其唱腔似足師姐王菲，Judi日前接受訪問時笑說：「我自己就唔覺得似佢，但我都有聽佢啲歌，我對自己嘅唱功有信心，但冇諗過要點樣突出自己。我諗每個新人都有自己嘅特性，唔使刻意，做好自己本份就夠。」
採訪：朱芷瑩
攝影：陳志嵐
場地提供：ICEGrill&OysterBar
化妝：KarryWong
髮型：ChrisCheng（Hair）
