今次加稅，中產人士叫苦連天，連美資證券大行摩根士丹利嘅董事兼地產分析專家卓百德都受到牽連。噚日八方去城市大學一個論壇，聽卓百德分析加稅問題，佢話年薪約七十七萬嘅最淒涼，加得最多，反而富豪就唔使多交稅。
卓百德話：「我係非常中產階層（Verymiddleclass），所以要畀多啲稅好苦惱！查實我𠵱家經已畀緊標準稅率，但見到賺錢多我成五百倍啲人唔使交稅，我就好氣頂。」
原來佢講緊啲有錢佬，每年賺取股息幾百億，但唔使交稅，反而平民百姓𢭃人工賺生活費，就要畀多啲稅。唔怪得卓百德同政府講：「我哋唔要勞斯萊斯級嘅政府服務，要番架本田思域就得。」
傳真︰2623-9278
電郵︰