容祖兒（Joey）近日接受少女雜誌《COSMOgirl》訪問，大談其男友。她表示男友喜愛用Bvlgari香水，而情侶相處之道是要互相遷就，愛情是調劑生活的良方，只要偶爾見見面，已經好開心和滿足，而大家亦可以維持一種牽掛的感覺。
容祖兒近日被邀請為少女雜誌《COSMOgirl》做新一期的封面人物，她在訪問中罕有地大談其圈外男友，Joey稱讚男友為人細心，是個踏實的人。
問到其男友的為人，Joey說：「佢雖然冇乜嘢才華，但佢好細心，外表又端莊，佢好鍾意用Bvlgari嘅香水，平時我最留意佢嘅頭頂，佢留短短嘅頭髮。」Joey表示自己工作忙碌，所以很少跟男友見面，閒時只會以ICQ聯絡。
問到情侶間相處之道，Joey說：「我覺得大家要互相遷就，有時佢就我，有時就我就佢。我自問係一個好易沉迷一樣嘢嘅人，所以唔可以成日見面。我覺得愛情可以調劑生活，偶爾見吓面都好開心同滿足，大家可以維持一種牽掛嘅感覺，咁樣下一次見面時就會好期待同好興奮。」
此外，Joey又在訪問中提到自己十四歲時的初戀故事，當時她瞞着媽咪發展豆芽夢，Joey說：「佢係我同班同學，有一次大家帶住孖寶蛋糕去公園，我個男友重喺蛋糕上面插上蠟燭同我慶祝生日呢！」