財爺日前公布嗰份財政預算案，無不令香港中、下階層叫苦連天，就連香港汽車業嘅高層，亦嚇得冷汗直冒，苛稅猛於虎嘅政策，相信只會令人買車意欲大減；若然汽車銷量持續下跌，亞Mark又唔信政府會有預期嘅收益呀！但唔知係咪有人洞悉先機呢？剛於上星期五正式開幕、並位於灣仔告士打道嘅富豪新陳列室，當時重見到太古汽車Sales&MarketingDirector嘅IanSkeggs（施紀賢），鬼咁風騷嘅樣子；但想唔到過多兩日嘅周五，就突然傳來佢請辭嘅消息，莫非佢都認為香港汽車業前景暗淡？想唔到今年本地汽車界有咁多變數，睇嚟下半年重有好多執位嘅新動作，究竟汽車業前景係點？真係未知之數喇！