卡Game鼻祖《遊戲王》唔經唔覺已經出到第8集，記得之前第三同第四集喺日本創下賣成百幾萬隻嘅銷量，就知道隻Game唔嘢少，今次月尾代理第一批貨會送埋日本店頭先有嘅第四款卡，儲開卡嘅朋友好留意吓。
搞到ENIX頭痛嘅《STAROCEAN3》，日本方面公告Hold機問題大多發生喺10000至18000型號，由於香港行貨主機採用較新型號，所以暫未受影響，不過資深機迷如果係買早期嘅水貨機，就要留意喇。另外PS2嘅《SILENTHILL3》，據報行貨會比日本版早出，《FFX-2》行貨就會喺3月13日推出，代理前幾日重特登派咗啲宣傳片落各大場，可想而知佢哋幾咁重視隻Game，不過由於ENIX同SQUARE合併關係，之前EA同SQUARE合作嘅公司已經分拆，咁唔知下隻SQUARE作品會唔會再有行貨呢？《FFX-2》預定11月會推出美版，想玩英文版嘅話，重要等一下喇！
BANDAI早前終於宣布手提機二奶仔SwanCrystal敗陣，公司將重返GBA陣營，其實當SquareU-Turn返回任天堂懷抱之後，之前買咗機嘅玩家都心中有數，不過之前公布咗嘅大作好似《FF3》同《GUNDUMSEED》等亦會出埋先，今個月15號推出嘅《GUNDUMSEED》亦有行貨，有機嘅不妨買番隻儲起佢，話唔埋遲啲可以當古董炒番起。
文：打機鐵人