多聽婦人言，進步兼延年。
雖然上網可以找到許多資料，但是「道聽途說」，仍是我的主要資料源頭。而，為了盡量下載那些道聽和途說，我盡量多點企街。
有關阿蒙生女的內幕消息，最近我在街上從幾個師奶的談話中竊聽到，公諸同好。
師奶甲：我話阿蒙個女唔係佢嘅！
師奶乙：（大驚）吓！咩話！
師奶甲：你諗吓，佢七月至結婚，咁快就生咗出嚟。
師奶乙：你唔俾佢奉子成婚嘅咩？
師奶甲：阿蒙坐得上咁高位，就算婚前同水后有嚟過，又點會蠢到連套都唔識戴吖！你估係你屋企個衰佬咩！
師奶乙：唓，咁佢或者婚後至同水后搞嘢，個啤啤早產啫。
師奶甲：懵婆，食懵咗喇你！你唔記得上次你早產，忽然間爆水袋，你係打999坐白車飛車入去㗎！人哋今次係劏肚攞㗎！係揀定晒日子，到時到候優哉悠哉咁自己行入去醫院㗎。有人會專登揀未足月，就提早成兩個月入去劏肚咁戇居嘅咩！
師奶乙：又係喎，唔怪得阿蒙硬係唔肯講個啤女幾多磅啦！佢個女梗係足月㗎嘞，早產嗰啲好輕㗎嘛。
師奶甲：咁咪係囉。
師奶乙：咁阿蒙知唔知個女唔係佢㗎？
師奶甲：梗係知啦，我估係結咗婚之後至知。不過當時已經冇彎轉，佢地位又咁高，惟有鯁咗佢。
師奶乙：嘩，咁大件嘢都鯁！
師奶甲：唔係點呀，塞番嚿肉入肚呀？你諗真吓吖，邊有五十幾歲事業有成嘅男人，