噚日職訓局屬下嘅技能訓練中心開放日，立法會議員陳智思同技能訓練大使鄭文雅出席做頒獎禮嘉賓。陳智思會後無可避免俾記者捉住問社福界減經費嘅問題，鄭文雅就輕鬆得多，不停替人簽名合照。參觀按摩課程時，鄭文雅重一嘗學員嘅手勢，事後大讚手勢正宗。
鄭文雅十一年來為匡智會嘅弱能人士教授陶瓷藝術，最開心就係見到學生搵到工做。不過今次預算案加稅減福利，自稱中產嘅鄭文雅同技能訓練中心嘅學員都難免受影響。
鄭文雅惟有呼籲大家忍耐吓，共度時艱；但好多攞緊千幾蚊傷殘津貼嘅學員，生活更艱苦，話𠵱家坐完地鐵唔捨得再花錢轉車，幾遠都寧願行路，只希望訓練中心唔好減經費，影響學習謀生技能。
（圖）經常運動導致肌肉痠痛嘅鄭文雅，試過技能訓練中心學員手勢後大讚，話會再幫襯。
傳真︰2623-9278
電郵︰