今個星期中環SOHO開咗一間別「樹」一格嘅「惹」火餐廳wildfire！行過舖面已極吸引，門口正中非常搞鬼地放咗一段10呎高嘅白樺樹幹，配合全木板砌成嘅天花。不過最搶眼都係吧枱後，嗰個由意大利訂返嚟嘅高溫焗爐，火光熊熊配埋全木陳設，簡直令人恍如置身中歐森林深處嘅一間古老酒吧！至於菜式有少少走Fusion路線，不過小記認為此舖較偏重意大利菜吧！
記者、攝影：朱崇德
睇落好似好簡單，三文魚配沙律雜菜，不過用料好考究，挪威上等三文魚去頭去尾，只用中間最厚身部份，入口甘香又有質感；另外順道推介埋後面個健力士巴利湯（$44），佢真係用健力士啤酒同巴利酒做㗎！不過煲湯時主要酒精成份已揮發走，入口甘中帶香，好有風味！
地址：中環伊利近街21號（SOHO）
電話：28100670