盧巧音昨日接受商台訪問時，一講到最新政府公布的財政預算案，即表現得很頭痛，她說：「我噚日同雷頌德喺錄音室錄音，一邊睇電視一邊鬧，有乜理由加稅加到同九七時一樣？嗰陣樓巿最旺，香港個巿最好，𠵱家咁嘅經濟環境，咁加法真係過份，巿民好慘，收入少咗又要加稅，連請菲傭都要畀成皮嘢稅，啲外傭都慘，又要減人工。」
盧巧音續說：「加利得稅對我影響最犀利，我知車嘅首次登記稅加好多，好彩我有贊助商贊助。至於話樓，我一早係負資產啦，供咗兩年，重有十八年要供。」
此外，有新加坡傳媒報道盧巧音不喜歡王菲，對此盧巧音表示莫名其妙，她說：「我去當地做簽唱會，都揀咗王菲嘅歌唱，又點會唔鍾意佢，所以我想澄清，希望王菲唔好誤會。」
採訪、攝影：胡比