財政預算案同兩會撞期，最慘嘅原來係特首辦主任林煥光。八方噚日喺立法會見到佢一個人坐喺班問責局長後面好留神聽書。
咦，乜佢唔係同老董上咗京咩？原來林煥光前日一早抵京打點好一切之後就第一時間夜晚飛返香江，幫老董睇住個檔口。唔知係咪太攰，阿松一講完，就唔見咗林主任個影。
至於噚日冇趕返嚟開會嘅就有葉國謙、朱幼麟、吳亮星同馬逢國四個，梁劉柔芬就因為丁父憂缺席。八方睇班問責高官之中，最冇癮嘅可能係署理特首煲呔曾，因為阿松喺個演詞同埋記者會中，成日提政府使大咗，唔係今日嘅事，又話自己都想派糖，但係財赤驚人不可不理喎。阿松之前嗰個大花筒咪煲呔囉，真係無面畀！
傳真︰2623-9278
電郵︰