沈殿霞（肥姐）昨日到新城電台接受薛家燕訪問，節目完畢後肥姐接受記者訪問，家燕姐在旁取笑肥姐說：「我都識張生（指肥姐緋聞男友張永權），係我介紹畀肥姐識，佢一個月嚟香港一次，問佢嚟做乜，佢就答唔出，原來係嚟探肥姐。」肥姐即哈哈大笑。
問肥姐張永權是否經常來港探她？肥姐說：「梗係唔係，張生喺香港有好多配音工作，佢成日都會過嚟香港，不過唔係淨係探我。我大佢好多歲，你哋想像力太好啦，我同佢係好好朋友，佢係一個好人，人哋重要拍拖結婚。」
此外，黃霑稍後將舉行演唱會，肥姐與鄭少秋都會出任嘉賓，有傳為免二人尷尬，大會不需二人同台演出，向肥姐求證時，她說：「可能霑叔太好人啦，我哋又唔係十冤九仇，我哋重有個女，有乜尷尬啫。」