余文樂和周麗淇在電影《下一站……天后》中有不少親熱鏡頭，阿樂更要揹着周麗淇在街上跑步。阿樂拍電影，必定會和女主角傳緋聞，不過他表示和周麗淇是多年好友，一定不會過電，亦不會傳緋聞，所以拍此電影特別開心。
余文樂和周麗淇在電影《下一站……天后》中飾演情侶，兩人在戲中有不少親熱鏡頭，其中一場戲講述余文樂揹着周麗淇在街上跑步，十分溫馨浪漫，但其實余文樂拍攝時要揹住過百磅的周麗淇，十分辛苦。
余文樂對於和周麗淇合作特別開心，因為兩人是舊相識，所以一定不會傳緋聞。余文樂說：「我同周麗淇以前做模特兒時已經識得，之後大家各自入咗電影圈，今次合作，係舊朋友見面，我哋唔單止唔會過電，而且一定唔會有緋聞傳出。平時我開親工都會好困擾，因為好驚同對手傳緋聞，但今次同周麗淇拍檔，我就好放心，所以拍得特別開心。」
而周麗淇則透露與余文樂在拍攝現場經常玩得不亦樂乎，並會用腳玩「包剪揼」。
周麗淇說：「我同余文樂識咗好多年，加上大家都係後生仔，都一樣咁鍾意玩，拍攝期間完全冇悶場，唔使埋位時，我哋就會開始玩包剪揼，但唔係用手猜，而係用腳猜，周身郁好好玩㗎！」
余文樂最近緋聞纏身，一時被指和阿嬌（鍾欣桐）拍拖，一時又被初戀女友指負心，甚至前女友盧巧音亦叫他自重。
不過周麗淇則表示阿樂拍攝時顯得很開心，並沒有受緋聞困擾，她說：「我唔覺佢有唔開心，嗰啲緋聞都唔知係咪事實，所以對佢冇影響啩！」
