每個人皮膚性質都不一樣，現成美容產品未必人人啱。用一大筆錢買堆護膚化妝品回家，唔好彩買咗唔適合自己皮膚的產品，不但靚靚目標未能達成，重令到皮膚出現敏感現象，真是「貼錢買難受」。
假如你皮膚性質屬於勁敏感，又或者想擁有獨一無二的美容產品，歡迎加入度身訂做行列。尤其現時Custom-made唔使等好耐，半小時已經搞掂，快捷之餘，重包保Fit晒自己。
記者：羅惠芬 攝影：陳智良
模特兒：Annie(Imagine)
９款香薰任溝
別人說香味有治療作用，尤其是身心疲憊之時，更可以幫助身體紓緩疲勞。例如沖涼和洗頭，都屬於人體的最高享受，如果加埋屬於自己的香味，肯定更加Relax。
的PersonelBlends服務，主攻具香味的身體及頭髮護理。客人可以按照自己的喜好，在Aveda9種香薰中隨意選擇，揀單一或互溝，混合在無色無味的頭髮水或沐浴液中，配製出屬於自己的香味。其中護髮產品更可以揀埋顏色，如果有染髮的朋友，可揀與自己頭髮顏色相近的Colour，可以令頭髮顏色Keep得耐啲，過程只需１０分鐘。
中環興瑋大廈３樓（31062868）
100種配搭
一般護膚品可分乾性、中性、油性和混合性皮膚。但每個人的皮膚都有不同問題，好似缺水的程度，都唔會人人一樣，又點可以一概而論？
MTM的Custom-blends服務，由具日本專業資格的美容師，先用電腦美容膚質顯微鏡，將客人的皮膚放大30倍，觀察皮膚表層及底層組織，以鑑定皮膚需要。然後美容師會制訂一條方程式，用不同功效的精華素調配出適合客人的護膚品。現時MTM提供48款精華素，針對不同的問題皮膚，包括敏感皮膚、氧化、油脂分泌過盛等，加埋26種基本護膚品，互相配搭，保證完全Fit晒個人需要。
拎返屋企試過，覺得效果唔滿意，更可以在1個月之內任換，直到滿意為止。
飛去法國訂做
化妝品其實同護膚品一樣，緊貼皮膚之上，揀唔啱好容易會出現敏感情況。byTerry旗下的高級訂製彩妝HauteCouleur系列，就提供了全球首個度身訂做化妝品服務。
香港的byTerry專櫃暫時未有此服務提供，有心者可以先到專櫃預約，再親身飛往法國跟Terry會面，做詳細皮膚分析及化妝品調配。由於要花大量的時間和心機，所以每次都要做齊一套化妝品，包括粉底、眼影、胭脂、唇膏等，份量可以用足成年。包裝上重會刻埋客人的名字，據聞不少皇室成員都是其擁躉。
查詢：29184386