莫文蔚和國際知名設計大師PhilippeStarck前晚在中環，出席錢慧儀和FLOS合作的燈飾專門店「FLOSHK」開幕禮。PhilippeStarck前晚表現鬼馬滿場飛，但甫見穿上黑色迷你裙的莫文蔚，即一見傾心，熱情攬住靚女兼錫面示好。
大生銀行家族成員馬清揚的太太錢慧儀與意大利燈飾名牌FLOS合作開設的「FLOSHK」，前晚在中環開幕，請了莫文蔚（Karen）和國際設計大師PhilippeStarck任特別嘉賓，然後大夥兒到中環KEEclub舉行派對狂歡。
PhilippeStarck吸引不少名人fans包括胡敏珊和楊鼎立等捧場，並爭相買燈向大師索簽名。PhilippeStarck向有頑童之稱，前晚他通場飛，主持開幕禮時又將貼紙貼在額頭，十分鬼馬，不過他一見靚女Karen就回復正經，攬住Karen錫面示好。
前晚Karen穿上價值二萬八千三百元的Chanel外套和恤衫，配襯迷你裙示人，裙側露出喱士花邊，十分誘惑。Karen落車及上樓梯時，小心翼翼，不時整理短裙，避免走光。今次她出任特別嘉賓收取燈飾代酬金，前晚她獲贈一盞價值五百六十元的「MsSissi」枱燈，另外她可再在「FLOSHK」任揀一款燈飾。
不過Karen說：「我最鍾意大師設計嘅廁所，好特別，平時出埠去酒店，都會四圍留意有冇大師嘅作品。雖然我冇乜時間留喺屋企，但係由細到大，我都覺得廁所好重要，其次就係床、枕頭、梳化，我屋企冇飯枱㗎。」
此外，前晚不少大生銀行家族成員到賀，包括馬清揚的兩位胞兄馬清鏗和馬清偉。馬清偉表示為捧弟弟場已購買了多盞燈飾，對於早前他被拍得與新歡約會，新歡更似足其前妻薛芷倫的風格，馬清偉聞言邊走邊說：「啲人亂咁寫㗎！」
