香港噚日天氣灰濛濛重落雨，襯晒打工仔被加稅嘅心情，可謂全港市民同聲一哭。不過遠在北京，就天朗氣清，李家祥同田北俊兩位啱啱由北京返港嘅政協，都異口同聲話當地氣溫好暖和，空氣又出奇咁清新，可惜來去匆匆。不過今日開完二十三條草案委員會，唔少人大、政協又要撲上京，遠離香港呢個天怒人怨之地。
噚日晨早五點幾起身趕飛機返港嘅李家祥，今晚同另一位政協曾鈺成，都會坐夜機上京，講起《南華早報》早前嘅「神枱論」，曾鈺成話純屬有人「口噏噏」，唔需要認真看待；李家祥則話覺得《南早》可能表錯情，不過特首冇同佢哋傾過呢單嘢。
（圖）李家祥話班香港政協、人大都對《南早》事件感到錯愕。
傳真︰2623-9278
電郵︰