張栢芝即使被拍得與陳小春在泰國推油，但仍堅決否認拍拖。前晚環球唱片高層陳少寶出席童愛玲婚宴，被問到栢芝何時出碟，他說：「等佢拍埋戲先，佢𠵱家兩拍㗎，你哋明唔明我講乜呀？佢拍拖？你哋講咋。」
問陳少寶栢芝是否因「兩拍」影響歌唱事業，他說：「有愛情生活令佢開心就冇所謂囉。」陳少寶又謂計劃為張國榮出新歌加精選，他說：「佢唔係幾精神，胃液倒流影響聲線，本來隻碟今個月出，但都要延遲。」至於有傳陳曉東將約滿離巢，陳少寶則說：「佢同你哋講同公司唔愉快，但同我就話愉快，其實佢有嘢可以打畀我。」
另外，李克勤前晚與陳少寶合照時，陳突然說：「我收到風你好似唔想同我一張枱喎。」克勤即說：「係呀，唔係邊度有話題呀。」後來克勤謂二人只是講笑。