今年美國監製公會大獎嘅最佳電影，雖然頒畀奧斯卡大熱門《芝加哥》，不過喺美國好收得嘅《我的大嚿婚禮》亦唔輸蝕，攞咗個幻想大獎，自然係表揚部戲出色嘅構思同橋段啦。而身為電影投資者兼監製嘅湯漢斯（TomHanks）嬌妻麗達韋遜（RitaWilson），重着到異常性感咁上台領獎，佢件超低V晚裝，完全展露佢驕人嘅身材。