錢慧儀與燈飾名牌FLOS合作的專門店「FLOSHK」昨晚開幕，她邀請國際知名設計大師PhilippeStarck來港主持開幕禮。昨早在尖沙嘴舉行記者會時，大師踢爆錢慧儀懷有四個月身孕，但她每天仍工作十二小時。
大生銀行家族成員馬清揚的太太錢慧儀開設的Dentro家具店，最近與意大利燈飾名牌FLOS合作，在中環設立全亞洲首間旗艦店「FLOSHK」，昨日傍晚開幕，錢慧儀邀請國際設計大師PhilippeStarck來港主持開幕禮。
PhilippeStarck曾為尖沙嘴半島酒店Felix餐廳設計燈飾，昨早錢慧儀特別揀選在Felix餐廳舉行新店開幕記者會，二人碰面表現熟絡，攬頭攬頸，錢慧儀說：「我哋識咗兩年，佢係一個好有天份、好幽默、downtoearth嘅設計師，我哋對工作嘅熱誠同信念都好相近，我收藏咗佢二十件作品㗎。」
祝酒時PhilippeStarck漏口風，恭祝錢慧儀有喜！原來穿上一身鬆身米色服裝的錢慧儀懷有四個月身孕，腹部微隆，已有兩子的她說：「𠵱家有咗四個月，大約八月生啦，仔女都未知，要下個月先知。不過，唔理仔定女，三個夠晒數囉！」
錢慧儀又透露今次是意外懷孕，猶幸沒有大量購入今季大熱的迷你裙，她說：「初期有咗兩個月都未知，重走去內地長城行山、跑步、游水。」
懷第三胎又要兼顧新店開幕事宜，是否很辛苦？錢慧儀說：「近期好忙，大住肚做嘢真係好辛苦，日子幾難過。」問她可會減少工作？她說：「我唔會因為有BB而減工作量，近期我連休息嘅時間都冇，一日做足十二小時，比平時五、六個鐘多一倍，四月重會出trip去家具展入貨，今次老公會陪埋我去。」
