鄭中基（Ronald）獲DeepAnger贊助服裝及銀器首飾，並設計R系列產品給他獨家穿戴。該店老闆更準備把一隻價值二萬元的勞力士表肉鑲在皮帶上，送給Ronald作生日禮物。日前Ronald到該店揀了近三十萬元物品，前來探望他的方力申更大出血，一口氣買了七千多元首飾。
鄭中基預計下月推出廣東大碟，將收錄多首搖滾味重的歌曲，為配合形象，Ronald會以Rock友形象示人。而一向深受Rock友喜愛的DeepAnger皮革服裝及銀器首飾店，最近選了Ronald為贊助對象。
Ronald日前到中環DeepAnger店揀選服裝及配飾，揀了三十多萬元服飾，滿載而歸。其好友方力申特別前來找他，結果亦大出血，買了七千多元首飾，Ronald笑言會介紹朋友來幫襯，以報答「免費任穿」之恩。
Ronald與方力申當日花了近兩小時試衫，姿整程度不比女士們遜色。方力申叫Ronald為他選幾件新衣，豈料Ronald竟指着一件桃紅色香豔bratop說：「就呢件啦！」令方力申為之氣結。
Ronald試了四件春夏季新款T恤，T恤背面印上「RONALD」字樣，原來DeepAnger特別為他製造一批名為R系列的服飾及首飾，每樣產品只得一件，讓Ronald獨家擁有。
DeepAnger老闆阿Ben日前說：「我同Ronald好啱傾，知佢鍾意儲銀器，咪贊助佢囉。我重知佢呢個星期日（九日）生日，所以訂咗隻勞力士表肉，攞去襯條皮帶送畀佢，至少要成二萬蚊，我重訂緊條結他帶畀佢出騷時用㖭。」
Ronald得知後歡喜若狂說：「真係正，結他帶我恨咗好耐㗎，我以前多數唱慢歌，先至好少用，但係其實我儲埋好多皮同銀器飾物，我諗住今次全季宣傳都着佢哋嘅衫，唔使再買衫，慳番好多。」
採訪：李珮洳
攝影：陳慧安
