經濟表現唔好，連帶汽車銷量亦備受影響，想促成一單汽車買賣，有時真係要上下一心，重要識得彈性處理噃！事關早前奧迪代理，曾事先張揚話會引入A2車系，惟打落算盤計數，一部過20萬嘅小車，雖然話係全鋁合金Body好High-tech啫，但又有幾多人懂得欣賞呢？因而佢哋亦打消念頭，唔再考慮引入咁話。但上個禮拜，亞Mark身邊嘅朋友報料，話響九龍灣發現有A2嘅蹤迹，及後經亞Mark打聽過，原來代理係應個別買家嘅要求，特別Order從德國運嚟㗎！據知呢部A2嘅身價，埋單計數要成25萬樓下，相信定必係奧迪嘅忠實Fans，才會有一份擁有嘅狂熱啦！對客事事周到兼且有得商量嘅態度，真係值得其他車行代理借鏡㗎！