《南華早報》呢張老牌報紙今年慶祝一百年報慶，噚日趁勢改版，分成三個部份，A叠係本國及國際政經及社會新聞，B叠集中財經，而C叠就係閒情逸致版。
香港特區新聞當然落入本國新聞類別，再冇特別分開處理，可謂十分前衞。
其實《南早》喺九七前，一直被視為港英喉舌，但係回歸之後，《南早》雖然已經變得親中，不過地位梗係不再啦。今次《南早》忽然喺社論發難，叫老董「升上神枱」唞唞，當然引起好多猜測，以為郭家倒董。事隔四天，《南早》噚日再喺社論肯定引發公眾理性討論城中熱門話題係報紙嘅職責，又話《南早》冇話過事事會自動支持老董，但猜測背後動機就認真無謂喎。
八方心諗，以老董嘅脾氣，郭鶴年一定俾佢哦死，所以唔可以唔寫番幾句，同倒董分子劃清界線，但係咁大義凜然嘅文章，香江近年真係少見了。
傳真︰2623-9278
電郵︰