香港利得稅原本講緊只加1%，現在講到要加2%，若升至18%，將與新加坡稅率拉近。香港是一個缺乏資源的地方，過去的經濟增長靠低稅率及自由港，吸引外資及人才流入，令香港成為一個貿易服務中心，並進一步發展為國際金融中心。
香港現時雖然存在龐大財赤問題，但面對外圍及國內的競爭，香港是否有加利得稅空間，實令人懷疑。香港回歸以來，法制、自由、經濟以至港人藏富所在的地產市場，都受到長官意志衝擊，如今連低稅率優勢都可能失去，日後香港優勢何在呢？阿董上場以來盡力討好各方，結果卻得罪各方，樣樣都搞到唔湯唔水。
今日預算案難有好消息，加上傳出美國兩周內攻打伊拉克，滙豐（005）業績即使符合預期，外資大行都唔敢唱好，恒指跌86點，收報9181。
雖然魚缸乏善可陳，不過仍有開心事，繼恒生（011）大派高息後，港機（044）亦不甘後人，而且重派到突，港機末期每股賺2.80元，但末期息連特別股派2.96元，持貨兩個月就有息收，相信會吸引好息之徒。不過，最可惜是管理層估計維修服務收費可能受壓，令其增長前景不明朗，否則港機絕對是一隻攻守兼備的股份。
科浪（2336）首日掛牌一度跌破0.50元招股價，但最後都可以守住收市，但過得第一日過唔到第二日，噚日開始出現失控現象，大幅跌破招股價，收0.42元。據聞有部份先前以低於0.50元認購舊股的投資者開始沽貨，而幕後炒家亦放軟手腳唔頂價，所以大跌。
阿虎