老董今次上京，預咗實畀記者問「神枱論」呢單嘢，難保唔會「發爛渣」，點算好呢？好彩，阿爺真係照顧周到，一早搵定香港某愛國愛黨報紙記者在場，一有記者問「神枱論」就叉開話題，重要有咁遠叉到咁遠，佢咁奮勇護董，分分鐘出年連大紫荊都有得拎！
除咗呢位「救火員」辛苦，十七個立法會議員重辛苦，佢哋同時身兼全國人大或政協頭銜，政協、人大會議過去兩日接連開幕，今日又輪到香港公布財政預算案，到底愛國緊要定愛港緊要？除咗預算案，聽日重有二十三條法案委員會選主席。「沒有國，那有家」，趕返香港挺惡法更緊急，所以聽聞兩位黨魁：田北俊同曾鈺成噚晚已經漏夜返香港；立會主席范徐麗泰就話一定坐鎮香江主持大局；想做法案委員會主席嘅葉國謙會留京多一會；譚耀宗、陳鑑林、吳亮星等會留守北京；兩位身兼行政會議成員嘅廖長城同梁振英已經返咗香港，齊齊聽財爺介紹預算案重點。
傳真︰2623-9278
電郵︰