近排天氣濕氣好重，成個人周身都無力，覺得特別疲倦，心思思想去按摩，鬆一鬆繃緊的肌肉。近日我就發現了深圳唯一一間韓式按摩店，面積約有8,000多平方呎，設有22間分別是2至8人的房間。佢哋特別引入韓國發熱包，配合柔和的按摩手勢，聲稱可以減肚腩。我試過後，減唔減到豬腩肉就唔知，但就真係好舒服！
記者：歐嘉荃
攝影：韋信、Manny
這個發熱包由韓國入口，一開袋內的開關掣，便會發熱，驟眼看有點似香港鴨寮街所賣的粉紅色發熱包，不過尺寸就較大，可遮蓋整個肚皮。
這塊銀色金屬片便是發熱包的開關掣，只要一啪，唔使5秒，發熱包內的藍色啫喱便會變成思樂冰狀，摸上手暖笠笠，感覺好舒服。
平日按開摩的人都知，一般按摩都唔會按肚，不過韓式按摩就會按摩埋肚部。按摩師會用鍊的方法按着敷過發熱包的肚皮，這猶如幫小腹做運動，加速腹部的脂肪分解，肚部就好似做桑拿咁，水份同脂肪就無咁容易積聚，童小姐重話若持之以恒，想腰肢幼細一啲都唔難。難怪乎韓國女士的腰特別纖瘦啦！
收費：
?55一小時
?100兩小時
我覺得按肚的感覺，就有點兒似做心外壓咁，按摩師有時用雙手有時則用單手，按壓着小腹部份，再配合幾下鍊的動作，肚皮雖然有點痛痛哋，按完後小腹重會紅紅哋，不過做完後，感覺又真係結實咗。
我經常都會頭痛，所以最鍾意按摩師幫我按頭，我覺得韓式按頭特別舒服，按摩師的手勢夠晒柔軟，唔會死按太陽穴位，最精采是技師手仔細細，可一次過按着太陽穴和天靈蓋位。
韓式按摩的步驟較中式複雜，由按頭、手、腿、背及最特別的按肚外，還送洗面，務求令顧客全身都咁舒服。韓式按摩一開始便是面部護理，按摩師會用韓國的洗面用品及美白面膜幫你做個Mask，而這個Mask更是完全免費，夠晒超值！面部護理所用的護膚品全屬韓國貨，怕用國貨的女士們絕對可以放心。
除了按摩外，這裏還有韓式足浴，將發熱包放在腰部及膝蓋的關節位，有紓緩關節痛楚之效，按足70分鐘，最啱好似我經常周圍行的人，按完後雙腳真係鬆晒！
收費：?38
店內還設有韓式產品專櫃，內裏有飲品、食品，甚至護膚品，全部由韓國直接入口，哈韓族的你不妨睇睇有邊款合心水。
被問到韓式按摩與中式按摩的分別時，負責人童小姐話：「韓式按摩同中式按摩的最大分別便是發熱包及手勢。我們所用的發熱包全由韓國引入，可散發大約攝氏50度的熱力，按摩時敷在顧客的肚及腰背位，這個暖包對改善腰痠背痛、腰肢勞損、關節炎等特別有效。此外重可調理腸胃，甚至有減肥的效果。」除此之外，還要配合一套韓式的按摩手勢，效果才能發揮至最好。「韓式的按摩手勢較中式柔和得多，柔和的手勢為主，而且是按摩肌肉，並非中式的穴位，所以平日唔按慣摩的人也會覺得很舒服。」
孔雀園韓式按摩保健中心
地址：深圳紅桂路2090號二樓（長城大酒店側）
電話：（86）75525563076
營業時間：24小時營業
交通：於羅湖火車站乘的士約需?30。