各超合金迷期待已久嘅最新超合金魂作品──超獸機神斷空我，喺上個星期尾已經抵港，重跟日本同步發售。不過，第一日到貨無耐已經火速斷市，𠵱家訂最快要到本月中先有貨到手。佢之所以咁受歡迎，主因係佢嘅好玩程度極高，如斷空我本身係由四機組合而成，四機分體後又能作機械人、猛獸、戰車三段變形，頗為複雜，亦代表耐玩性極高。四機合體成斷空我後，關節活動依然靈活，能擺出不同有型姿勢。佢更擁有超合金魂歷來最巨型體積，高度約有30cm，極具氣勢。可能因要遷就複雜的變形合體，斷空我合體後主要只有膞頭及大腿位置是合金製，但攞上手都算幾墜手。武器有齊斷空劍及斷空炮，斷空炮更跟足原著由小型武器合體而成。
記者、攝影：馬慶武
售賣點：超人玩具
電話：23662688
地址：旺角兆萬中心2樓222室