拍《2046》唔知做乜嘢角色
木村譏王家衛出海棄船員

電影《2046》現繼續秘密拍攝，早前更有傳日本萬人迷木村拓哉會於下月來港加入拍攝，但他日前接受日本雜誌訪問時，表示對此片的一切一無所知，更自嘲是被船隻拋棄的船員。

由王家衞執導的《2046》，停拍兩年後已於今年一月秘密復工，惟最受注目的演員木村拓哉遲遲未見現身，連梁朝偉亦曾表示不知道木村會否「回來」。但看來這並非因為大忙人木村沒空檔，因他最近接受日本雜誌《日經Entertainment》訪問時，自嘲是被王家衞遺棄的船員，有關該片事宜從未被知會。該訪問內容現繙譯如下：

「做乜唔識講」
雜誌：聽講你拍嘅香港電影《2046》，今年秋天就會上映。
木村：我完全唔知道喎！雖然我係最想知道嗰個。舉個例吖，我𠵱家嘅感覺，就好似我係一艘船嘅船員，我出完海返到去基地，但究竟隻船𠵱家又去咗邊呢？
雜誌：會唔會係你嘅戲份已經拍完？
木村：我真係完全唔知。
雜誌：咁你做嘅係乜嘢角色呀?
木村：呢個我唔識講。首先，呢套戲係冇劇本嘅，正如一個分數因為冇分母，就算我係任何一個分子，都唔會得出答案，所以我唔識講。

多次公開抱怨
其實自《2046》停拍後，木村已不是第一次公開投訴此片開拍遙遙無期，例如他在演唱會中曾晦氣地說過：「都唔知套戲要拍到我幾多歲！」
最近又有消息指木村所屬的經理人公司尊尼事務所忍無可忍，不會再為木村度期拍攝《2046》。而木村現正在日本，為人氣日劇《GOODLUCK!!》趕工。
此外，王家衞的澤東電影公司至截稿前，仍未回應此事。