第73屆瑞士日內瓦車展，已於昨日（3月4日）正式揭幕，場內展出有不少新車，令每位參觀者有目不暇給之感；不如今日一齊嚟先睹為快，睇吓備受注目嘅紳寶9-3開篷跑車，同埋日產Evalia概念車啦！
全新紳寶9-3Convertible開篷跑車，造型設計與硬頂版相近，但改配軟篷頂設計後，造型變得更具跑味；加上篷頂開關只需輕按控制鍵便可，需時亦不過係20秒內咋！車廂布局亦甚具跑味，設備配搭亦見方便易用。然而，新車則以一台2.0公升直4Turbo偈作動力核心，馬力輸出分別為175匹及210匹，以滿足不同車迷口味㗎！
而響日產嘅展館上，除有已在港推出嘅350Z跑車外，另外重有一款名為Evalia嘅概念跑車於場內展出；此車造型糅合咗Coupe及掀背車嘅設計，襯以大口徑跑車合金胎軨，同埋跑車化懸掛組合，嗰份高性能跑車嘅誘人魅力由此而起呢！