張栢芝出道以來緋聞不絕，繼謝霆鋒和陳小春後，日前她又被拍下與陳冠希同遊日本的照片，二人更下榻同一間酒店。昨日陳冠希承認曾在日本與栢芝晚膳，又直言栢芝是他珍惜的好朋友。
張栢芝與謝霆鋒分手後，早前被指翻𠝹陳小春成功並同遊泰國，更被拍下穿上三點式泳衣在酒店泳池邊為小春搽油的照片，正當外界以為二人舊情復熾之際，新一期《壹本便利》卻有報道指栢芝遠赴日本，與圈中另一型男陳冠希（Edison）同遊東京，二人更同時下榻涉谷的小田急酒店。
上月本報曾拍下陳冠希與陳文媛（BoBo）到UA金鐘戲院看電影的照片，而上周BoBo到泰國拍電影，Edison當時亦在當地，不知二人有否相約會面。
「我今次係過嚟傾生意」
而Edison離開泰國後便轉飛日本會栢芝，本周日他倆在小田急酒店雙雙乘的士往餐廳晚飯。其實Edison與栢芝早在兩個月前，已被周刊拍下撐枱腳的照片，但當時二人均異口同聲否認拍拖。
Edison在日本接受《壹本便利》訪問時，承認曾與栢芝吃飯，不過他強調說：「我今次係過嚟傾生意，你哋唔好誤會，我嚟緊會喺代官山一帶開時裝店，係同朋友夾份投資。冇錯！我同栢芝係住同一間酒店，而佢就係同Eason（陳奕迅）成班人過嚟玩，所以先會成班人一齊食飯，所有有關栢芝嘅一切事情，我真係全不知情。」
被問到與栢芝是否男女朋友關係時，Edison說：「之前有雜誌寫我同栢芝有嘢，我都已經唔出聲唔回應，點解要我為咗啲緋聞，而離棄我嘅朋友？我身邊已經冇乜朋友，我願意犧牲自己一啲嘢，去換取栢芝呢個朋友。」
栢芝月中返港開工
記者昨日致電小田急酒店查詢時，對方表示栢芝與Edison仍未退房。而栢芝的經理人李小姐昨日就此事回應說：「栢芝係同助手去咗日本旅行，佢拍完《絕世好男人》後同公司請咗假休息，預計呢個月中先會放完假返嚟香港做嘢。」
李小姐續說：「栢芝今次係咪同Eason一班人去日本玩，我就唔多清楚，至於佢啲感情事，經理人公司更加冇過問。」
至於仍身在日本的Edison，昨日亦透過所屬的唱片公司MusicPlus負責人Lisa回應說：「Edison話佢哋係成班人喺日本，所以咪一齊食餐飯，佢話同栢芝肯定冇拍拖，叫外界千祈咪誤會。」
完成個唱拉大隊旅行
據悉，今次栢芝遊日還碰到剛完成個唱的Eason，而與Eason同行的還有其女友徐濠縈、車婉婉及何超儀等，大夥兒均下榻小田急酒店。
